मांजरी खुर्द, ता. २९ : गोवंशाची आरोग्य तपासणी आणि सकस आहार वाटप उपक्रमाने कोयाळी (ता. खेड) येथील आचार्य विनोबा गोसेवक संघाच्या गोशाळेमध्ये शुध्द देशी गोवंश जतन आणि संवर्धन दिन उत्साहात साजरा करण्यात आला.

राज्यातील देशी गाईंच्या संख्येत होत असलेली घट लक्षात घेता पुन्हा देशी गाईंचे संवर्धन होण्याच्या दृष्टीने महाराष्ट्र गोसेवा आयोग, पशुसंवर्धन आयुक्तालयाच्या वतीने २२ जुलै हा दिवस शुध्द देशी गोवंश जतन आणि संवर्धन दिन म्हणून साजरा करण्यात येतो. विविध गोशाळांमधून तो उत्साहात साजरा करण्यात आला. त्यानिमित्ताने ठिकठिकाणच्या गोशाळांमधून विविध उपक्रम राबविण्यात आले.

कोयाळी येथील आचार्य विनोबा गोसेवक संघाच्या गोशाळेत पशुधन विकास अधिकारी डॉ. मंगेश खिलारी, डॉ. राजू टकले यांनी गोशाळेतील प्रत्येक गाय- गोवंशाची आरोग्य तपासणी केली.
दरम्यान, गोशाळा चालक दीपक निकम यांनी या उपक्रमाचे संयोजन केले.

डॉ. अनिकेत गिलबिले, संजीवनी काऊ फिड ब्लॉकचे संचालक किरण गोडसे, हॅब बायोमासचे संचालक कृणाल जगताप, उद्योजक रमेश गोडसे आदी मान्यवर यावेळी उपस्थित होते.

00576