महाळुंगे पडवळ, ता. ९ : चास (ता. आंबेगाव) ग्रामपंचायतीच्या उपसरपंचपदी श्री संत ज्ञानेश्वर महाराज ग्रामविकास पॅनेलच्या सुरेखा शिवदत्त बारवे यांची बुधवारी (ता. ९) बिनविरोध निवड झाली. त्यामुळे येथील सरपंच आणि उपसरपंचपदावर महिला विराजमान झाल्याने ग्रामपंचायतीत महिलाराज आले आहे.
चासच्या उपसरपंच कविता सतीश चासकर यांनी राजीनामा दिल्यामुळे रिक्त झालेल्या जागेच्या निवडीसाठी सरपंच अर्चना दौलत बारवे यांच्या अध्यक्षतेखाली निवडणूक घेण्यात आली. त्यात सुरेखा बारवे यांचा एकमेव अर्ज आल्याने त्यांची उपसरपंचपदी बिनविरोध निवड झाल्याचे निवडणूक निर्णय अधिकारी ग्रामविकास अधिकारी वैशाली गवारी यांनी जाहीर केले. यावेळी माजी उपसरपंच कविता सतीश चासकर, माजी सरपंच सुजाता विक्रम बारवे, ग्रामपंचायत सदस्य नितीन ईश्वर चासकर, चंद्रकांत बाबूराव बारवे, श्रीकांत अभिमन्यू शेगर, कोमल गणेश काळोखे, दत्तात्रेय राघू भागवत, मनीषा संतोष चासकर, चांगुणाबाई वामन बारवे, बबन चिमाजी बारवे आदी उपस्थित होते.
यावेळी शिरूर लोकसभा मतदार संघाचे राष्ट्रवादी काँग्रेसचे अध्यक्ष सचिन भोर यांच्या हस्ते नवनिर्वाचित उपसरपंच सुरेखा बारवे यांचा सत्कार केला. यावेळी भीमाशंकर कारखान्याचे संचालक बाजीराव बारवे, नानासाहेब बारवे, सतीश चासकर, दौलत बारवे, हनुमंत मानकर, मधुकर बारवे, शिवदत्त बारवे, शरद बारवे, बाळासाहेब चासकर, ज्ञानेश्वर भागवत, दत्ता बारवे, सुभाष भालेराव आदी उपस्थित होते.