महाळुंगे पडवळ, ता. ३० : रयत शिक्षण संस्थेच्या महाळुंगे पडवळ (ता. आंबेगाव) येथील हुतात्मा बाबू गेनू विद्यालयात शनिवारी (ता. ३०) कृत्रिम बुद्धिमत्ता (एआय) आणि इंजिनिअरिंग क्षेत्रातील करिअर व्याख्यानमाला आयोजित केली होती, अशी माहिती प्राचार्य साहेबराव काळे यांनी दिली.
यावेळी दहावीनंतरचे कोर्सेस डिग्री, डिप्लोमा, कॉम्प्युटर इंजिनिअरिंग, इलेक्ट्रॉनिक, इलेक्ट्रिकल इंजिनिअरिंग, दहावी- बारावीनंतर करिअरच्या संधी, इंजिनिअरिंग क्षेत्रामधील करिअर कालावधी प्रवेश परीक्षा, ऑनलाइन फॉर्मविषयी माहिती जयहिंद पॉलिटेक्निक कॉलेजचे प्रा. हेमंत महाजन यांनी विद्यार्थ्यांना दिली.
तसेच प्रा. राहुल मेंगडे यांनी विद्यार्थ्यांना एआय, लर्निंग, सुपरवायझरिंग, एन्फोर्समेंट लर्निंग, गुगल मॅप, अलेक्सा, होम ऑटोमेशन, मेडिकल, फिल्ममध्ये उपयोग आदी गोष्टींची सखोल माहिती दिली. पर्यवेक्षक अविनाश वाडेकर, गुरुकुल प्रमुख किशोर विधाटे, शशिकांत पावडे, कांतिलाल शिंदे यांनी कार्यक्रमाचे संयोजन तर ज्ञानेश्वर निमोणकर यांनी सूत्रसंचालन केले. तुषार पाटील यांनी आभार मानले.