महाळुंगे पडवळ, ता. ८ : कळंब (ता. आंबेगाव) येथील कमलजादेवी विद्यालयाचा संस्कार भालेराव (इयत्ता ९ वी) या विद्यार्थ्याने अहिल्यानगर येथे झालेल्या विभागीय पातळीवरील जलतरण स्पर्धेत ५० मीटर बॅक स्ट्रोक प्रकारामध्ये दुसरा क्रमांक पटकवला. तसेच ५० मीटर आणि १०० मीटर फ्री स्टाईल प्रकारात त्याने तिसरा क्रमांक मिळवला. त्यामुळे त्याची लातूर येथे होणाऱ्या राज्यस्तरीय स्पर्धेसाठी निवड झाली आहे. या निवडीनंतर विद्यालयाचे प्राचार्य बाळासाहेब आरेकर, पर्यवेक्षक संभाजी मोहिते, तसेच एकलहरे, लौकी, कळंब व नांदूर ग्रामस्थांनी त्याचे कौतुक केले आहे.