माळशिरस, ता. ५ : जेजुरी एमआयडीसी येथील इंडियाना ग्रेटिंग्ज कंपनीच्या सीएसआर फंडातून नायगाव (ता. पुरंदर) येथील श्री सिद्धेश्वर देवस्थानास दिलेल्या रुग्णवाहिकेचा लोकार्पण सोहळा संपन्न झाला.
देवस्थान परिसरातील रिसे, पिसे, राजुरी, माळशिरस, मावडी सुपे, पिपंरी, पांडेश्वर या गावांना रुग्णवाहिकेची अत्यंत आवश्यकता होती. त्यामुळे नायगाव ग्रामस्थ व भाविकांनी कंपनीकडे रुग्णवाहिका मागणी केली होती. त्यानुसार कंपनीत कार्यरत गावातील मोहन चौंडकर यांच्या प्रयत्नातून रुग्णवाहिका उपलब्ध झाल्यानंतर तिचा लोकार्पण सोहळा पौर्णिमेचे व सावित्रीबाई फुले जयंतीचे औचित्य साधत संपन्न झाला.
यावेळी रुग्णवाहिका भेट देताना कंपनीचे सीएसआर विभागाचे प्रमुख निशाद सलाम, वरिष्ठ एचआर मोहन चौंडकर, उत्पादन व्यवस्थापक बाळासाहेब खेसे, कर्मचारी नीलकंठ गाडेकर, किशोर कामथे, हरिश्चंद्र शेंडकर, प्रकाश कड, सिद्धेश्वर देवस्थान ट्रस्टचे अध्यक्ष प्रवीण चोपडा, विश्वस्त डॉ. दशरथ ठवाळ, अक्षरसृष्टी संस्थेचे अध्यक्ष सिद्धनाथ पवार, पंचक्रोशीतील सरपंच, उपसरपंच, भाविक, ग्रामस्थ उपस्थित होते.
इंडियाना ग्रेटिंग्ज कंपनीकडून रुग्णवाहिका मिळाल्यामुळे श्री सिद्धेश्वर देवस्थान ट्रस्ट, ग्रामपंचायत,पंचक्रोशी व नायगाव ग्रामस्थ यांच्यावतीने कंपनीचे आभार मानण्यात आले.

02780