भोर, ता. ७ : भोर एज्युकेशन सोसायटीच्या अध्यक्षपदी श्रीमंत राजेशराजे पंतसचिव, संस्थेच्या नियामक मंडळाच्या अध्यक्षपदी प्रमोद गुजर यांची तर सचिवपदी डॉ. सुरेश गोरेगावकर यांची बिनविरोध निवड झाली आहे.
ऐतिहासिक संस्थानकालीन १८९७ मध्ये तत्कालीन भोर संस्थानचे अधिपती हिज हायनेस श्रीमंत राजा रघुनाथराव पंतसचिव यांनी सुरू केलेल्या शिक्षण भोर एज्युकेशन सोसायटीला पुणे जिल्हा शिक्षण संस्था महामंडळाने जिल्हास्तरावर नामवंत शिक्षण संस्था म्हणून गौरविली आहे. संस्थेची वर्ष २०२५ ते २०२८ या त्रैवार्षिक पदाधिकारी निवडण्यासाठी रविवारी (ता. १) विशेष साधारण सभा आयोजित केली होती.
या सभेत अध्यक्ष, उपाध्यक्ष व नियामक मंडळ सदस्य निवड प्रक्रिया झाली. यावेळी संस्थेच्या अध्यक्षपदी राजेशराजे पंतसचिव यांची तिसऱ्यांदा बिनविरोध निवड करण्यात आली. तर गुरुवारी (ता. ५ जुन) संस्थेच्या आमराई आळी (रथखाना) भोर येथील कार्यालयात नियामक मंडळ विशेष सभेत अध्यक्ष, उपाध्यक्ष व सचिवपदाच्या निवडीस सर्व नियामक मंडळ सदस्यांनी एकमताने मंजुरी दिली. संस्थेच्या निवडणूक प्रक्रियेचे संविधानिक, सनदशीरपणे नियोजन, कार्यवाही संस्थेचे शैक्षणिक व प्रशासकीय अधिकारी हिंदुराव जाधव यांनी केले. निवडणूक निरीक्षक म्हणून कामकाज अ‌ॅड. सागर कदम (पुणे) यांनी पाहिले.

त्रैवार्षिकसाठी निवडलेले पदाधिकारी व सदस्य
अध्यक्ष - श्रीमंत हिजहायनेस राजेशराजे पंतसचिव
उपाध्यक्ष - मधुकर पैठणकर, बाळकृष्ण देव, धनंजय आंबवले, अरविंद गुजर, महादेव मळेकर, प्रफुल्ल आंबेकर, सुरेश लाळे.

नियामक मंडळ
अध्यक्ष - प्रमोद गुजर, उपाध्यक्ष - अ‌ॅड. मुकुंद तांबेकर, सचिव- डॉ. सुरेश गोरेगावकर, सदस्य - सुरेश शाह, सुरेश देवी, डॉ. प्रदीप पाटील, डॉ. अण्णासाहेब बिराजदार, नितीन शाह, डॉ. उदय शेठ, प्रकाश गोर, शशिकांत कंक, मिलिंद शाह, दत्तात्रेय मोरे