सकाळी वार्ता समजल्यानंतर विश्वासही बसत नव्हता. समाजामध्ये काम करणारे एक नेतृत्व हरपले आहे. महाराष्ट्रातील राजकारणात उत्कृष्ट प्रशासक, कुशल नेतृत्व आणि संघटक म्हणून त्यांचे नाव अग्रभागाने घेतले जाते. अनेक वेळा विकास कामांच्या माध्यमातून त्यांना भेटण्याचा योग आला. त्यांचा स्पष्टवक्तेपणाचा स्वभाव कायमस्वरूपी सगळ्यांच्या स्मरणात राहील. एखादे काम होणार की नाही, हे स्पष्टपणे सांगण्याचे काम, एखादा शब्द दिल्यानंतर कार्यकर्त्याला न्याय देण्याची त्यांची भूमिका व सर्वसामान्यांचे प्रश्न सोडवण्याचा अधिकचा भर मी जवळून पाहिला आहे.
- संग्राम थोपटे, माजी आमदार, भोर

माझ्या वडीलांच्या निधनानंतर दादांनी सन २००६मध्ये मला राजकारणात आणले. त्यांच्या आशीर्वादाने राजकारणात, समाजात मला पदे व प्रतिष्ठा मिळाली. दादांच्या जाण्याने पुन्हा एकदा मी पोरका झालो आहे.
- रणजीत शिवतरे, माजी उपाध्यक्ष, जिल्हा परिषद, पुणे