नारायणगाव, ता १४ : धर्मवीर संभाजी नागरी सहकारी पतसंस्थेच्या अध्यक्षपदी प्रवीण गुलाबराव डेरे; तर उपाध्यक्षपदी मेहबूब नजमुद्दीन काझी यांची बिनविरोध निवड करण्यात आली, अशी माहिती निवडणूक निर्णय अधिकारी तथा सहाय्यक निबंधक सचिन सरसमकर यांनी दिली. धर्मवीर संभाजी पतसंस्थेच्या संचालक मंडळाची पंचवार्षिक निवडणूक नुकतीच पार पडली. यात संचालकपदी सुभाष दरंदळे, राजेंद्र कोल्हे, कैलास औटी, एकनाथ तांबे, संजय देशमुख, हेमंत कोल्हे, हितेश श्रीवत, संध्या गायकवाड, सारिका डेरे, काशिनाथ आल्हाट, राजू लोखंडे यांची निवड झाली होती. पतसंस्थेच्या अध्यक्ष व उपाध्यक्ष पदाच्या निवडीसाठी सहाय्यक निबंधक सरसमकर यांच्या अध्यक्षतेखाली संचालक मंडळाची बैठक झाली.
यावेळी अध्यक्षपदी ढेरे व उपाध्यक्षपदी काझी यांची एकमताने निवड करण्यात आली. स्वीकृत संचालक म्हणून सीताराम खेबडे, योगेश गांधी यांची निवड झाली. दरम्यान, नवनिर्वाचित अध्यक्ष, उपाध्यक्ष व संचालकांचा सत्कार माजी अध्यक्ष वसंतराव देशमुख, माजी उपाध्यक्ष शंकरराव कोल्हे यांच्या हस्ते करण्यात आला. कार्यक्रमाचे नियोजन मुख्य कार्यकारी अधिकारी ज्ञानेश्वर औटी यांनी केले. राजेंद्र कोल्हे यांनी सूत्रसंचालन केले. हेमंत कोल्हे यांनी आभार मानले.