नारायणगाव, ता. १० : वनविभागाने लावलेल्या पिंजऱ्यात ओझर परिसरामध्ये धुमाकूळ घालणारा तीन ते चार वर्ष वयाचा नर बिबट्या जेरबंद झाला. बिबट्याला
बुधवारी (ता.९) सकाळी माणिक डोह येथील निवारा केंद्रात हलवण्यात आले आहे, अशी माहिती वनरक्षक ज्ञानेश्वर पवार यांनी दिली.
ओझर येथील विघ्नहर लॉज परिसरातील उसाच्या शेतीत तीन ते चार बिबट्यांचा वावर आहे. यामुळे शेतकऱ्यांमध्ये भीतीचे वातावरण आहे. बिबट्याला पकडण्यासाठी पिंजरा लावावा. अशी मागणी या भागातील शेतकऱ्यांनी वनविभागाकडे केली होती. त्यानुसार गणेश मांडे यांच्या उसाच्या शेताजवळ नारायणगाव वनविभागाने पिंजरा लावला होता. पहाटे पाच वाजण्याच्या सुमारास बिबट्या पिंजऱ्यात अडकल्याची माहिती गणेश मांडे यांनी वनरक्षक ज्ञानेश्वर पवार यांना दिले. त्यानंतर पवार यांनी घटनास्थळी जाऊन बिबट्याला माणिक डोह येथील निवारा केंद्रात दाखल केले आहे. पकडलेला बिबट्या अतिशय आक्रमक असून पूर्ण वाढ झालेला आहे. या भागात अजूनही बिबट्या असून बिबट्यांना पकडण्यासाठी पुन्हा पिंजरा लावावा, अशी मागणी या भागातील शेतकऱ्यांनी पवार यांच्याकडे केली आहे.
06834
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.