रवींद्र पाटे : सकाळ वृत्तसेवा
नारायणगाव, ता. ९ : येथे एसटी बसस्थानक, जुना पुणे- नाशिक महामार्ग, बाह्यवळण महामार्ग, नारायणगाव- गुंजाळवाडी रस्ता, बाजारपेठ या भागात मागील वर्षभरात दागिने व रोख रक्कम चोरीच्या दहा घटना घडल्या आहेत. यामध्ये सुमारे ४५ तोळे वजनाचे सोन्याचे दागिने, तीन ते चार लाख रुपयांची रोख रक्कम चोरट्यांनी चोरून नेली आहे. यामध्ये दुचाकीवरून आलेल्या चोरट्यांनी महिलांच्या गळ्यातील दागिने लांबवणे, घरफोडी करणे, दागिन्यांना पॉलिश करून देतो, असा बहाना करून चोरट्यांनी या चोरीच्या घटना केल्या आहे.
महिलांच्या गळ्यातील
दागिने चोरीच्या घटना
१) नारायणगाव येथील पुणे- नाशिक महामार्गावरून दुचाकीवर निघालेल्या विजया सचिन वाजगे (रा. कोल्हेमाळा, नारायणगाव) या महिलेच्या गळ्यातील पावणेदोन तोळे वजनाचे सोन्याचे मंगळसूत्र दोन चोरट्यांनी हिसका मारून चोरून नेले.
२) नारायणगाव बसस्थानकात गर्दीचा फायदा घेऊन ज्येष्ठ महिला उषा बाबुराव हांडे यांची पाच हजार रुपये रोख व मोबाईल असलेली पर्स अज्ञात तीन चोरट्यांनी लांबवली.
३) सुरेखा घोटे ही महिला दुचाकीवरून जात असताना मोटरसायकलवरून आलेल्या दोन चोरट्यांपैकी मागे बसलेल्या एका चोरट्याने घोटे यांच्या गळ्यातील मंगळसूत्र हिसका मारून चोरण्याचा प्रयत्न केला. या वेळी तोल गेल्याने त्या दुचाकीवरून खाली पडल्या. त्यामुळे त्यांचा पाय फ्रॅक्चर झाला.
४) नारायणगाव- जुन्नर रस्त्यावरून मोहिनी अडसरे या पायी घरी जात असताना मोटरसायकलवर आलेल्या दोन चोरट्यांपैकी मागे बसलेल्या एका चोरट्याने मोहिनी अडसरे यांच्या गळ्यातील मंगळसूत्र हिसका मारून चोरण्याचा प्रयत्न केला. ओढणी असल्याने चोरीचा प्रयत्न अयशस्वी झाला.
५) नारायणगाव बसस्थानकामध्ये बसमध्ये प्रवेश करत असताना गर्दीचा फायदा घेऊन चोरट्याने साळवाडी येथील पुजा राहुल चव्हाण या महिलेच्या गळ्यातील सुमारे दीड तोळा वजनाचे मंगळसूत्र चोरून नेले.
६) पती समावेत मोटरसायकलवर बसून घरी निघालेल्या ममता सतीश तंवर महिलेच्या गळ्यातील एक तोळे वजनाचे मंगळसूत्र मोटरसायकलवरून आलेल्या चोरट्यांनी चोरून नेले.
सीसीटीव्ही कॅमेराच्या साह्याने तपास करून काही गुन्ह्यांचा पोलिसांनी शोध घेतला असून, मुद्देमाल हस्तगत केला आहे. काही ठिकाणचे सीसीटीव्ही कॅमेरे चांगल्या दर्जाचे नसल्याने चोरट्यांचा शोध घेताना अडचण निर्माण होते. सोन्याचा बाजार भाव वाढल्याने सोने चोरीकडे चोरट्यांचा कल दिसून येत आहे. नंबर प्लेट नसलेल्या मोटारसायकलची माहिती पोलिसांना द्यावी. हेल्मेट घालून व तोंड बांधून संशयास्पद मोटरसायकलवर प्रवास करणाऱ्या व्यक्तींपासून सावधानता बाळगावी.
- महादेव शेलार, सहाय्यक पोलिस निरीक्षक
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.