नारायणगाव, ता. १४ : राष्ट्रीय स्वयं सेवक संघाच्या शताब्दी वर्षानिमित्त रविवारी (ता. १५) नारायणगाव येथे सायंकाळी पाच ते रात्री आठच्या दरम्यान येथील मुक्ताई मंगल कार्यालयात हिंदू संमेलनाचे आयोजन करण्यात आले आहे. यानिमित्त राष्ट्रीय स्वयं सेवक संघाचे पुणे जिल्हा शारीरिक शिक्षण प्रमुख अविनाश पवळे, पश्‍चिम महाराष्ट्र प्रांत नलिनी वायाळ उपस्थित राहणार आहेत. या वेळी राष्ट्रीय स्वयं सेवक संघाची स्थापना पार्श्‍वभूमी व कार्य, धर्म जागरण याबाबत अविनाश पवळे व नलिनी वायाळ हे मार्गदर्शन करणार आहेत. अशी माहिती संयोजक डॉ. संदीप डोळे यांनी दिली.