नसरापूर, ता. १२ : नसरापूर-माळेगाव येथील माऊली अनाथ आश्रम निराधार सेवा संस्था येथे ११ मे ते १८ मे २०२४ कालावधीत भव्य कीर्तन सोहळ्याचे आयोजन करण्यात आले आहे. यावर्षी सोहळ्यात प्रथमच गुरुवारी (ता. १६) अक्कलकोट येथील गजानन महाराज यांच्या जयंती निमित्त सामुदायिक अग्निहोत्राचे आयोजन करण्यात आल्याची माहिती आश्रमाचे संस्थापक अध्यक्ष नवनाथ महाराज लिमण यांनी दिली आहे.
माऊली आश्रमाच्या वतीने दरवर्षी कीर्तन सोहळ्याचे आयोजन करण्यात येते. यावर्षी (ता. ११) मे ला रोहीत महाराज गोरे यांचे (ता. १२)समाधान महाराज शर्मा, (ता. १३) रामायणाचार्य रामराव महाराज ढोक, (ता. १४) आक्रुर महाराज साखरे, (ता.१५) सोपान महाराज सानप, (ता. १६) विशाल महाराज खोले, (ता. १७) मे अर्जुन महाराज लाड व (ता. १८) आचार्य अर्जुन महाराज लाड यांचे काल्याचे कीर्तन होणार आहे.
या शिवाय रोज पहाटे काकड आरती, सायंकाळी हरिपाठ व जागर होणार आहे.
(ता. १६) अक्कलकोट येथील गजानन महाराज यांच्या जयंती निमित्त सांयकाळी सामुदायिक अग्निहोत्र होणार असून या अग्निहोत्रास शंभर जोड्या बसणार आहेत. या निमित्ताने उपस्थितांना अग्निहोत्राची माहिती व महत्त्व सांगण्यात येणार असल्याची माहिती नवनाथ महाराज लिमण व अग्निहोत्र सेवा मंडळाचे अध्यक्ष दत्तात्रेय वाल्हेक यांनी दिली. तसेच, नागरीकांनी मोठ्या संख्येने उपस्थित राहण्याचे आवाहन करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.