नसरापूर, ता. ११ : जोगवडी (ता. भोर) येथून जेसीबी मशिनची चोरी झाल्याची तक्रार राजगड पोलिस ठाण्यात दाखल करण्यात आली आहे. अनिल शिवाजी बोडके (वय ३०, रा. म्हाळवडी ता.भोर) यांनी याबाबत राजगड पोलिस ठाण्यात तक्रार दिली आहे. त्यांनी दिलेल्या माहितीनुसार सोमवारी (ता.१०) रात्री साडेबारा वाजण्याच्या दरम्यान त्यांच्या दहा लाख रुपये किमतीच्या जेसीबी मशिनचा चालक शाहीजात अन्सारी याने जोगवडी (ता. भोर) येथील काळुबाई मंदिरा समोर लावलेला जेसीबी क्र.एम एच १२ जे के ११६५ हा कोणीतरी अज्ञात इसमाने चोरी लबाडीच्या इराद्याने तेथून चोरुन नेला आहे. याबाबत परिसरात पाहणी करून देखिल न सापडल्याने अनिल बोडके यांनी राजगड पोलिस ठाण्यात चोरीची फिर्याद दिली आहे. या घटनेचा पुढील तपास पोलिस नाईक नाना मदने करत आहेत.