खेड शिवापूर, ता. १६ : जमीन वाटपाच्या वादातून कोंढणपूर (ता. हवेली) येथे रहाटवडे गावाकडे जाणाऱ्या रस्त्याच्या कडेला एका तरुणास अडवून १० ते १५ लोकांचा जमाव जमवून मारहाण करत शिवीगाळ करून जीवे मारण्याची धमकी दिल्याप्रकरणी राजगड पोलिस ठाण्यात गुन्हा दाखल केला आहे.
याबाबत नवनाथ गुलाब शिवतारे (वय ५२, रा. मुकुंदनगर, पुणे) यांनी राजगड पोलिस ठाण्यात तक्रार दाखल केली आहे. त्यानुसार अमोल जगन्नाथ चोरघे, सुनंदा जगन्नाथ चोरघे (दोघेही रा. रहाटवडे, ता. हवेली), सविता विकास पवार व जितू कुटे (पूर्ण नाव पत्ता माहिती नाही) व इतर १० ते १५ जणांवर गुन्हा दाखल केला आहे.
नवनाथ त्यांचा मुलगा यश शिवतारे यांना जमीन वाटपाच्या कारणावरून अमोल चोरघे व इतरांनी अडवून बेकायदा जमाव जमवून हाताने मारहाण केली, तर सुनंदा चोरघे व सविता पवार यांनी शिवीगाळ करून जीवे मारण्याची धमकी दिली. याबाबत पोलिस हवालदार प्रमिला निकम पुढील तपास करत आहेत