खेड शिवापूर, ता. २९ ः पुणे- सातारा महामार्गावर शिंदेवाडी (ता. भोर) गावच्या हद्दीत सेवा रस्त्यावर भरधाव अज्ञात वाहनाने ठोकरल्यान पादचारी व्यक्तीचा मृत्यू झाला आहे. बाबासाहेब सिध्दौराम कुदळे (वय ५१, रा. गोगलवाडी, ता. हवेली, मुळ रा. सोलापूर) यांचा या अपघातात मृत्यू झाला. कुदळे हे रविवारी (ता. २८) सायंकाळी सव्वा आठ वाजण्याच्या सुमारास शिंदेवाडी ते गोगलवाडी या महामार्गाच्या सेवा रस्त्यावरून पायी जात असताना पुणे बाजूकडून आलेल्या भरधाव वाहनाने त्यांना ठोकर मारली. या अपघातात कुदळे यांना गंभीर दुखापत होऊन त्यांचा मृत्यू झाला. ठोकर देणारा अज्ञात वाहनचालक या बाबत कोणतीही खबर न देता पळून गेला. या अपघाताबाबत सोहम विजय कुदळे (वय १७) याने राजगड पोलिस ठाण्यात चालकाविरोधात फिर्याद दिली आहे. पोलिसांनी अज्ञात चालकाविरोधात गुन्हा दाखल केला आहे. पुढील तपास सहाय्यक पोलिस उपनिरीक्षक किरण बरकले करत आहेत.