खेड शिवापूर, ता. ३ ः वेळू (ता. भोर) येथील अल्टँक एनर्जी कंपनीच्या स्टॉक रूममधून ७० हजार रुपये किमतीचे कॉपर वायरचे बंडलची चोरी झाल्याची तक्रार कंपनीचे कर्मचारी अजय सत्यवान घाग (वय ४३, रा. ताथवडे, पुणे) यांनी राजगड पोलिस ठाण्यात दिली आहे. फिर्यादीत दिलेल्या माहितीनुसार, १६ ऑक्टोबर रात्री साडेआठ ते १७ आक्टोबर सकाळी साडेनऊ वाजण्याच्या दरम्यान अल्टँक कंपनीच्या स्टॉक रूममध्ये कंपनीच्या स्वच्छतागृहाच्या उघड्या खिडकीमधून प्रवेश करून चोरट्याने ४ कोर कॉपर वायरचे एकूण ७० हजार रुपये किमतीचे चार बंडल चोरून नेले आहेत. या बाबत चोरट्यांविरोधात राजगड पोलिस ठाण्यात गुन्हा दाखल करण्यात आला आहे. पुढील तपास सहाय्यक फौजदार किरण बर्कले करत आहेत.