न्हावरे, ता. २० : मॉडेल स्कूलच्या माध्यमातून ग्रामीण भागातील विद्यार्थ्यांना दर्जेदार शिक्षण देण्यासाठी शासनाबरोबर विविध औद्योगिक कंपन्या व सामाजिक संस्था पुढे येत आहेत. त्यामुळे ग्रामीण भागातील शैक्षणिक दर्जा उंचाविण्यास मदत होत आहे, मात्र त्यासाठी विद्यार्थ्यांबरोबर मुख्याध्यापक, शिक्षक व पालक यांनी सजग राहून त्याचा फायदा घ्यावा, असे आवाहन जिल्हा परिषदेचे मुख्य कार्यकारी अधिकारी गजानन पाटील यांनी केले.
चिंचणी (ता. शिरूर) येथे फियाट ऑटोमोबाइल्स कंपनीच्या सामाजिक दायित्व निधीच्या माध्यमातून बांधण्यात आलेल्या जिल्हा परिषद प्राथमिक शाळेच्या चार वर्गखोल्या, अंगणवाडी इमारत व संगणक लॅबच्या उद्‍घाटनप्रसंगी ते पाटील हे प्रमुख पाहुणे म्हणून बोलत होते. कार्यक्रमाच्या अध्यक्षस्थानी गुरुवर्य संभाजीराव पवार होते. यावेळी वृक्षारोपणाचा उपक्रमही राबविण्यात आला.
पाटील पुढे म्हणाले की, अलीकडच्या काळातील शिष्यवृत्तीबरोबर विविध स्पर्धा परीक्षांचा निकाल पाहता शिरूर तालुक्याच्या गुणवत्तेचा डंका जिल्ह्यातच नव्हे तर राज्यभरात गाजत आहे, मात्र यातील सातत्य टिकविणे गरजेचे असून त्याची जबाबदारी विद्यार्थी, शिक्षक व पालक यांची राहील. त्यासाठी शासन काही कमी पडू देणार नाही.
यावेळी आमदार माऊली कटके यांच्या पत्नी मनीषा कटके, फियाट कंपनीचे उपाध्यक्ष कार्तिक शंकरन, जिल्हा परिषदेचे शिक्षण अधिकारी संजय नाईकडे, गटविकास अधिकारी महेश ढोके, गटशिक्षण अधिकारी बाळकृष्ण कळमकर, फियाट सीएसआर फंडाचे व्यवस्थापक अमोल फटाले, सरपंच परिघा पवार, प्रदेश शेतकरी संघटनेचे उपाध्यक्ष बाळासाहेब घाडगे, प्रकल्प अधिकारी वैशाली सटाले, शिक्षण अधिकारी नितीन पवार, अभियंता अतुल पिसाळ, पंकज पाटील, शुभम बडगुजर, शाळा व्यवस्थापन समितीचे अध्यक्ष अमोल पवार, विस्तार अधिकारी रघुनाथ पवार, उपसरपंच अनिल पवार, माजी उपसरपंच नामदेव पवार, दादा पवार, आबा धावडे, बाळासाहेब पवार, अनिता धावडे, बाबूराव गवळी, श्‍यामराव पवार, लक्ष्मण पवार, शिक्षक नेते रामनाम इथापे, संजय खामकर, मुख्यध्यापक केशव मुटकुले, बापू पवार आदी उपस्थित होते. अमोल पवार यांनी प्रास्ताविक केले. दत्तात्रेय आखुटे यांनी सूत्रसंचालन केले. लक्ष्मण पवार यांनी आभार मानले.