निरगुडसर, ता. २३ : रांजणी नरसिंह देवाची (ता. आंबेगाव) येथील ग्रामस्थांकडून ओतूर (ता. जुन्नर) येथे सुरु असलेल्या तुकाराम महाराजांचा वैकुंठगमन सांगता सोहळा, अखंड हरिनाम सप्ताह आणि संगीत गाथा पारायण सोहळ्याच्या आमटी भाकरीच्या महाप्रसादासाठी चार हजार भाकरी आणि आमटीसाठी ७५ हजार ३७५ रुपयांची देणगी देण्यात आली.
आमटी भाकरीच्या महाप्रसादासाठी रांजणी गावच्या प्रत्येक वाडी वस्तीवरील ग्रामस्थांनी चार हजार भाकरी नरसिंह मंदिरात जमा केल्या. भाकरीची ग्रामप्रदक्षिणा भजन करत काढल्यावर त्या टेम्पो मधून ओतूरला पाठविल्या. तसेच रोख ७५ हजार ३७५ रुपये देणगी देण्यात आली. यावेळी ग्रामस्थ उपस्थित होते.