निरगुडसर, ता.३ : घोडनदीवर असलेल्या भराडी-निरगुडसर येथील घोडनदीवरील कोल्हापूर बंधाऱ्याजवळील पाच शेतकऱ्यांचे कृषी पंप चोरट्यांनी चोरून नेले. यामुळे संबंधित शेतकऱ्यांचे दोन लाख रुपयांहून अधिक नुकसान झाले. ही घटना रविवारी (ता.१) पहाटेच्या सुमारास घडली.
भराडी-निरगुडसर या कोल्हापुरी बंधाऱ्यावर दुतर्फा मोठ्या प्रमाणात शेतकऱ्यांनी कृषी पंप बसवले आहेत,सध्या पाऊस पडत असल्याने कृषी पंप बंदच असतात या ठिकाणी गेल्या दहा वर्षात लाखो रुपयांची केबल चोरी झाली आहे त्याचा तपास अद्याप लागलेला नाही. केबल चोरी बरोबर आता कृषी पंप ही चोरटे लंपास करू लागल्याने बळिराजा धास्तावला आहे अशाच प्रकारे निरगुडसर येथील शेतकऱ्यांचे कृषी पंप भराडी निरगुडसर या कोल्हापुरी बंधाऱ्यावर आहेत,सध्या कृषी पंप बंद असल्याने चोरट्यांनी याचा फायदा घेतला. रविवारी पहाटे चोरट्यांनी कृषी पंपाचे पाइप कट करून पाच कृषी पंप चोरून नेले त्यातील एक कृषी पंप पाण्यात पडल्याने तो बचावला.
निरगुडसर येथील रोहिदास वळसे, वसंत वळसे, जयश्री गाढवे, संदीप वळसे अजून एक शेतकऱ्याचे नाव कळू शकले नाही अशा एकूण पाच शेतकऱ्यांचे प्रत्येकी दहा अश्‍वशक्तीचे याप्रमाणे पाच कृषी पंप अज्ञात चोरट्यांनी चोरून नेले. यामुळे शेतकऱ्यांचे दोन लाख रुपयांहूनअधिक नुकसान झाले आहे. दरम्यान, संबंधित शेतकऱ्यांनी याबाबत तक्रार पारगाव पोलिस ठाण्यात केल्यानंतर घटनास्थळी पोलिस उपनिरीक्षक भाऊसाहेब लोकरे यांनी पंचनामा केला आहे.

02615