निरगुडसर, ता. २३ ः खडकी (ता. आंबेगाव) येथे शिवजयंतीनिमित्त काळभैरवनाथ इंग्रजी प्री. प्रायमरी स्कूल, जिल्हा परिषद प्राथमिक शाळा व काळभैरवनाथ, सौ. लक्ष्मीबाई बाबूराव बांगर विद्यालयातील बालचमूंनी शिवप्रतिमेची लेझीम व ढोल ताश्याच्या गजरात मिरवणूक काढली.
मिरवणुकीच्या अग्रभागी शिवाजी महाराजांची वेशभूषा केलेले विद्यार्थी, माँसाहेब जिजाऊ व मावळे सर्वांचे लक्ष वेधून घेत होते. मिरवणुकीनंतर प्राथमिक शाळेच्या आवारातील छत्रपती शिवाजी महाराजांच्या अश्वारूढ पुतळ्याचे पूजन ग्रामस्थांच्या हस्ते करण्यात आले. काळभैरवनाथ, सौ लक्ष्मीबाई बाबूराव बांगर विद्यालयातील विद्यार्थिनींनी शिवजन्माचा पाळणा सादर केला. प्राथमिक शाळा व माध्यमिक शाळेतील विद्यार्थ्यांनी आपल्या मनोगतातून शिवाजी महाराजांच्या जीवनातील अनेक प्रसंग सादर केले.शिवरायांच्या आरतीने कार्यक्रमाची सांगता झाली.
कार्यक्रमासाठी मोठ्या संख्येने शिवप्रेमी ग्रामस्थ, शिक्षक व विद्यार्थी मोठ्या संख्येने उपस्थित होते.

03147