नीरा नरसिंहपूर, ता.६ : येथील (ता. इंदापूर) तीर्थक्षेत्र विकास आराखडा अंतर्गत बांधलेल्या पोलिस ठाणे व प्राथमिक आरोग्य केंद्राच्या इमारतींचे लोकार्पण महासंसदरत्न खासदार सुप्रिया सुळे यांच्या हस्ते करण्यात आले. यावेळी माजी राज्यमंत्री दत्तात्रेय भरणे यांच्या अध्यक्ष होते.

नीरा नरसिंहपूर येथील पोलिस ठाण्याची सुसज्ज इमारत व नागरिकांच्या आरोग्यासाठीचे महत्त्वाचे प्राथमिक आरोग्य केंद्र नागरिकांच्या सेवेसाठी उपलब्ध करण्यात आले आहे.
पोलिस ठाण्याच्या इमारतीसाठी एक कोटी ३३ लाख तर आरोग्य केंद्रासाठी १ कोटी ३२ लाख रुपयांचा निधी खर्च केला होता.
महासंसदरत्न खासदार सुप्रिया सुळे व माजी राज्यमंत्री, आमदार दत्तात्रेय भरणे यांनी भक्तनिवास मध्ये नागरिकांशी संवाद साधत तीर्थक्षेत्र विकास आराखडा अंतर्गत सुरू असलेल्या विकासकामांची पाहणी व चर्चा केली. यावेळी प्रशांत पाटील, प्रताप पाटील, हनुमंत कोकाटे, श्रीमंत ढोले, सचिन सपकळ, सुरेश शिंदे, संग्रामसिंह पाटील, सागर मिसाळ, श्रीकांत बोडके, दादासाहेब क्षीरसागर, गौरव दंडवते, सरपंच अश्विनी सरवदे, उपसरपंच रेणुका काकडे, अर्चना सरवदे, शंकर राऊत आदी परिसरातील कार्यकर्ते उपस्थित होते.

दरम्यान, या दोन्ही इमारती मागील एक वर्षापासून उद्घाटनाच्या प्रतीक्षेत धुळखात पडून होती. राज्य शासनाने नुकतेच पोलिस ठाण्याच्या अंतर्गत येणाऱ्या गावांची नावे राज्यशासनाच्या परिपत्रकात प्रसिद्ध केले आहेत. त्यामुळे येथील पोलिस ठाण्याचे कामकाज लवकरच सुरू करण्याची मागणी नागरिकांनी व्यक्त केली आहे.

03402