नीरा नरसिंहपूर, ता. ११ : जिल्हा परिषद प्राथमिक शाळा गणेशवाडी येथील विद्यार्थी व शिक्षकांनी पर्यावरण जनजागृती करणाऱ्या दिंडीने ग्रामप्रदक्षिणा पूर्ण केली. यावेळी विद्यार्थ्यांनी ‘झाडे लावा, झाडे जगवा’, ‘वृक्षवल्ली आम्हा सोयरे’ अशा घोषणा दिल्या.
जगद्‍गुरू संतश्रेष्ठ तुकाराम महाराज यांच्या पालखीचे आगमन परिसरात झाले आहे. त्यामुळे विद्यार्थ्यांमध्ये भक्तिभाव निर्माण व्हावा, त्याच बरोबर पर्यावरण रक्षणाचे महत्त्व सर्वांना समजावे, या हेतूने दिंडीचे आयोजन करण्यात आले होते. जिल्हा परिषद शाळेचे शिक्षक मनीषा निर्मळ, साधू कांबळे, अंगणवाडी मदतनीस बशीरा तांबोळी, संगीता कदम यांच्या प्रयत्नाने या दिंडीचे आयोजन करण्यात आले होते. विद्यार्थ्यांमधील काही विद्यार्थी विठ्ठल, रुक्मिणी, कृष्ण, लक्ष्मी अशी वेशभूषा परिधान करून दिंडीत सहभागी झाले होते. मुलांनी टोपी, पायजमा तर मुलींनी नऊवारी साडी परिधान केली होती.
NPR24B04167,