ओतूर, ता. १४ : ओतूर (ता.जुन्नर) येथील वनविभागाने येडगाव येथील श्याम्पियन कंपनीने २०१८ मध्ये वनक्षेत्रात केलेले बेकायदेशीर तारेचे कुंपण शनिवारी (ता.१२) काढून टाकले. अशी माहिती माहिती वनपरिक्षेत्र अधिकारी लहू ठोकळ यांनी दिली.
याबाबत अधिक माहिती अशी की, येडगाव येथील श्याम्पियन कंपनीने फॉरेस्ट कंपार्टमेंट नंबर ४२ मधील राखीव वनक्षेत्रात तारेचे कुंपण केले होते. त्याबाबात वनविभागाकडून वन गुन्हा येडगाव येथे नोंदविलेला होता. यासंबंधी सदर राखीव वनक्षेत्रात जाऊन साधारण एक हेक्टरमध्ये जवळ जवळ २५० ते ३०० मीटर लांबीचे अवैध तारेचे कुंपण शनिवारी जेसीबीच्या साहाय्याने उखडून टाकले.
वनविभागाकडून ही कारवाई उपवनसंरक्षक अमोल सातपुते यांच्या मार्गदर्शनाखाली सहायक वनसंरक्षक स्मिता राजहंस, वनपरिक्षेत्र अधिकारी लहू ठोकळ, उपसरपंच अजय नेहरकर, माजी सरपंच हर्षल गावडे, वनपाल संतोष साळुंके, वनरक्षक विशाल गुंड, वनरक्षक महेश जगधने, वनसेवक बाळू वामन व रेस्क्यू टिम सदस्य रोशन भोर, संतोष कुतळ, सोमनाथ भालेराव यांनी केली.

00064