ओतूर, ता.१२ : ओतूर (ता.जुन्नर) येथील कृषी उत्पन्न बाजार समितीच्या उपबाजारात गुरुवारी (ता.१०) कांद्याच्या १० हजार ७७७ पिशवीची आवक झाली. त्यात उच्च प्रतीच्या कांद्याला प्रतिकिलोला १६ ते २० रुपयापर्यंत बाजारभाव मिळाला.
जुन्नर कृषी उत्पन्न बाजार समितीच्या ओतूर येथील उपबाजारात रविवारी व गुरुवार असे आठवड्यातून दोन दिवस कांदा लिलाव केले जातात. मागील बाजाराच्या तुलनेत ओतूर उपबाजारात या बाजारी कांदा पिशवीची आवक थोडी वाढली असून बाजारभावात स्थिर आहे.
ओतूर उपबाजारात प्रतिदहा किलोला गोळा कांदा १६० ते २००, सुपर कांदा १२० ते १८०, गोल्टी/ गोल्टा ३० ते १३०, बदला कांदा २० ते १०० रुपये असा बाजारभाव मिळाला होता. ओतूर उपबाजारात रविवारी (ता.६) एकूण ९२३६ कांदा पिशवी आवक झाली. त्यास प्रतिदहा किलोला गोळा कांदा १७० ते २०१, सुपर कांदा १३० ते १८०, गोल्टी/ गोल्टा ७० ते १३०, बदला कांदा २० ते ८० रुपये असा बाजारभाव मिळाला आहे.