ओतूर, ता. २९ ः ओतूर (ता. जुन्नर) येथील पोलिसांनी गहाळ झालेले ३८ मोबाईलचा शोध घेऊन मूळ मालकांना ते परत केले आहेत. या मोबाईलची किंमत सुमारे ४ लाख ५० हजार रुपये आहे.
ओतूर पोलिसांच्या या कामगिरीबद्दल सर्वत्र कौतुक होत आहे. ओतूर पोलिस ठाण्याच्या हद्दीत गहाळ झालेल्या मोबाईलचा शोध घेण्यासाठी वरिष्ठांच्या आदेशानुसार एक पथक नेमले होते. गहाळ मोबाईलची तांत्रिकदृष्ट्या माहिती प्राप्त करून शोध घेतला असता विविध कंपन्यांचे एकूण ३८ मोबाईल हस्तगत केले. त्याप्रमाणे मिळून आलेले मोबाईल तक्रारदार नागरिकांना मंगळवारी (ता. २९) वाटण्यात आले.
ही कारवाई ओतूरचे सहायक पोलिस निरीक्षक एल. जी. थाटे, पोलिस उपनिरीक्षक युवराज जाधव, संदीप आमणे,पोलिस हवालदार महेश पटारे, नामदेव बांबळे, दिनेश साबळे, विलास कोंढावळे, नदीम तडवी, भरत सूर्यवंशी, बाळशीराम भवारी, विश्वास केदार, श्यामसुंदर जायभाई, ज्योतिराम पवार, मोहिनी जाधव, तसेच सायबर पोलिस ठाणे पुणे ग्रामीणचे महेश गायकवाड, सुनील कोळी, चेतन पाटील यांच्यासह डुंबरवाडीचे पोलिस पाटील किरण भोर, उंब्रजचे राहुल हांडे, पोलिस मित्र कैलास बोडके, छोटू मणियार, नामा पानसरे यांनी केली.