ओतूर, ता. १० : जुन्नर तालुक्यातील ओतूर येथील श्री गजानन महाराज शिक्षण प्रसारक मंडळ संचलित वीर सावरकर विद्यालय पांगरी माथा(बल्लाळवाडी) या विद्यालयात शनिवारी (ता.९) संस्थेचा ३६ वा वर्धापन दिन, क्रांती दिन आणि जागतिक आदिवासी दिन उत्साहात साजरा करण्यात आला. या कार्यक्रमाची सुरुवात शेगाव निवासी श्री संत गजानन महाराज व शिक्षण महर्षी स्व. विलासराव तांबे यांच्या प्रतिमा पूजनाने झाली. या कार्यक्रमाच्या अध्यक्षस्थानी विद्यालयाचे मुख्याध्यापक संतोष झावरे होते. याप्रसंगी परविन इनामदार, लक्ष्मण भुजबळ, नीता झावरे, तुकाराम हजारे, शिवाजी वायभट, कविता बनकर, दीपक येंदे आदींसह विद्यार्थी उपस्थित होते. कार्यक्रमाचे प्रास्ताविक महेश थोरात यांनी तर दत्तात्रय गाडेकर यांनी आभार मानले.