ओतूर, ता. १९ : ओतूर (ता. जुन्नर) येथील पुणे जिल्हा शिक्षण मंडळाचे अण्णासाहेब वाघिरे महाविद्यालयात शनिवारी (ता. १६) ‘एक पेड माँ के नाम’ मोहिमेंतंर्गत वृक्षारोपण व श्रमदान करण्यात आले. राष्ट्रीय सेवा योजना विभागाने भोजादेवी ग्रामविकास मंडळ, भोजदरी, सेंट विन्सेंट महाविद्यालय, पुणे, बाळासाहेब जाधव महाविद्यालय, आळे आणि सिताई महाविद्यालय, कुरकुंडी यांच्या वतीने कार्यक्रम आयोजित केला.
कार्यक्रमास अकोल्याचे आमदार डॉ. किरण लहामटे हे प्रमुख पाहुणे म्हणून उपस्थित होते. यावेळी महाविद्यालयाचे गणित विभागाचे प्रमुख प्रा. मनोज देशमुख आणि प्राचार्य डॉ. महेंद्र अवघडे आदी उपस्थित होते. वृक्षारोपण मोहिमेत प्राध्यापक, विद्यार्थी तसेच ग्रामस्थांनी उत्स्फूर्तपणे सहभाग घेतला. श्रमदानातून परिसराची स्वच्छता व वृक्ष संवर्धनाबाबत ग्रामस्थांमध्ये जागरूकता निर्माण करण्यात आली. राष्ट्रीय सेवा योजना कार्यक्रमाधिकारी राजेंद्र आंबवणे, प्रा. सुवर्णा डुंबरे आणि डॉ. विनायक कुंडलिक यांनी कार्यक्रम यशस्वितेसाठी प्रयत्न केले.