ओतूर, ता.२९ : मांदारणे (ता.जुन्नर) येथील मुक्ताबाई शिवारात वनविभागाकडून बिबट्याचा बंदोबस्त करण्यासाठी पिंजरा लावला आहे, अशी माहिती ओतूरचे प्रभारी वनक्षेत्र अधिकारी प्रदीप चव्हाण यांनी दिली.

मुक्ताबाई शिवारात रविवारी (ता.२८) सकाळी बिबट्याने गोठ्यात बांधलेल्या दोन वासरांना जागीच ठार केले होते. तसेच येथील मुक्ताबाई मंदिरात नवरात्रौत्सवानिमित्त दररोज काकडा, पारायण व हिरीपाठ असे विविध धार्मिक कार्यक्रम सुरू आहेत. याच पार्श्वभूमीवर येथील नागरिकांनी बिबट्याचा बंदोबस्त करण्यासाठी पिंजरा लावण्याची मागणी केली होती. या घटनेचे गांभीर्य ओळखून ओतूर वनविभागाने ही त्वरित पिंजरा लावला आहे.

00839