ओतूर, ता.११ : उदापूर (ता.जुन्नर) येथील ढग वस्तीवर रविवारी (ता.९) ऊस तोडणी दरम्यान बिबट्याचे दोन बछडे आढळून आले होते. त्यामुळे वनविभागाने बिबट्याचे बछडे परत बिबट मादीबरोबर जाण्यासाठी प्रयत्न केले आहे. सदर बिबटची बछडी अखेर बिबट मादी बरोबर भेट झाली असून दोन दिवसानंतर बिबट मादी बछड्यांना बरोबर घेऊन निघून गेली आहे.
वनविभागाकडून मिळालेल्या माहितीनुसार, वनविभागाकडून येथे बिबट मादी जेरबंद होण्यासाठी भक्षासह पिंजरा लावला होता. तसेच बिबट्याची बछडी ही येथे बाजूला ठेवण्यात आली होती.परंतु बिबट मादी रविवारी येथे फिरकली नाही. परंतु सोमवारी सायंकाळी बिबट मादी येथे येऊन पिंजऱ्यात न अडकता बाजूला ठेवलेली बिबट्याची बछडी सोबत घेऊन बिबट मादी गायब झाली.