ओतूर, ता. ५ : येथील श्री गजानन महाराज शिक्षण प्रसारक मंडळ संचालित शरदचंद्र पवार कॉलेज ऑफ फार्मसीमध्ये बुधवारी (ता. ३) नवप्रवेशित विद्यार्थ्यांचा इंडक्शन कार्यक्रम झाला. विद्यार्थ्यांना महाविद्यालय, अभ्यासक्रम, नियमावली आदी बाबींची माहिती व्हावी, यासाठी कार्यक्रमाचे आयोजन केले होते.
संस्थेचे अध्यक्ष विशाल तांबे, सचिव वैभव तांबे यांनी विद्यार्थ्यांचे स्वागत करून पुढील वाटचालीसाठी शुभेच्छा दिल्या. परिपूर्ण विद्यार्थी जो भविष्यात सामाजिक पातळीवर सर्व क्षेत्रात उल्लेखनीय प्रगती करेल, असा विद्यार्थी महाविद्यालयात घडविण्यासाठी प्राचार्य डॉ. गणेश दामा यांच्या मार्गदर्शनाखाली सर्व टीम कटिबद्ध आहे असा विश्वास त्यांनी व्यक्त केला.
याप्रसंगी संशोधन व विकास विभागाचे डॉ. किरण महाजन, डॉ. अभिषेक मेहेर, डॉ. शीतल बिडकर, वर्गशिक्षक वृषभ हुप्परगे, शिष्यवृत्ती विभाग प्रमुख डॉ. अस्मिता गायकवाड आदींनी विद्यार्थ्यांना मार्गदर्शन केले.