ओतूर, ता. ८ ः सकाळ एनआयई या राज्यस्तरीय उपक्रमांतर्गत चिल्हेवाडी (ता. जुन्नर) येथील जिल्हा परिषद प्राथमिक शाळेतील १३ विद्यार्थ्यांना भेटवस्तू म्हणून भोजनाचे डबे वाटप करण्यात आले. सकाळ माध्यम समूह, टाटा मोटर्स यांचा विद्याधनम् उपक्रम व योजक संस्था यांच्या वतीने हे वाटप झाले. चिल्हेवाडीसारख्या दुर्गम आदिवासी भागातील गरजू विद्यार्थ्यांना भेटवस्तू मिळाल्याने त्यांच्या चेहऱ्यावर आनंद होता. शालेय व्यवस्थापन समितीचे अध्यक्ष विनोद भोईर, उपाध्यक्ष रावसाहेब भोईर यांच्या हस्ते या वस्तूंचे वाटप करण्यात आले. मुख्याध्यापक प्रभाकर दिघे, उपशिक्षक जनार्दन केदारी यांनी कार्यक्रमाचे नियोजन केले.