ओतूर, ता. ‌१५ : ओतूर (ता. जुन्नर) येथील ग्रामविकास मंडळ संचलित चैतन्य विद्यालयात वार्षिक स्नेहसंमेलन आणि पारितोषिक वितरण समारंभ शनिवारी (ता. १३) मॅकफॉस लिमिटेड पुणेचे मॅनेजिंग डायरेक्टर अतुल डुंबरे यांच्या अध्यक्षतेखाली झाला. यावेळी प्रसिद्ध लेखक आणि कवी देवा झिंजाड यांचे ‘एक भाकर तीन चुली’ या विषयावर व्याख्यान झाल्याची माहिती विद्यालयाच्या मुख्याध्यापिका राजश्री भालेकर यांनी दिली.
स्नेहसंमेलनानिमित्त विद्यालयात बुधवार (ता. ३) ते गुरुवार (ता. ११) दरम्यान क्रीडा महोत्सव, सांस्कृतिक कार्यक्रम, चित्रकला प्रदर्शन, रांगोळी प्रदर्शन, विज्ञान प्रदर्शन, पर्यावरण चित्रकला प्रदर्शन आदी कार्यक्रम झाले. मान्यवरांच्या हस्ते एसएससी परीक्षा २०२५ तसेच कला, क्रीडा, विज्ञान क्षेत्रात व विविध स्पर्धा परीक्षांमध्ये यश मिळविलेल्या विद्यार्थ्यांचा सन्मानचिन्ह देऊन सत्कार करण्यात आला.
यावेळी समारंभाचे अध्यक्ष अतुल डुंबरे, प्राजक्ता निकम, हर्षाली मुंदडा, प्रतीक मुरादे, वैशाली होनावळे, संकेत फापाळे यांनी मनोगते व्यक्त केली. अमोल गाडे यांनी डिजिटल स्कूलसाठी डिजिटल बोर्ड भेट दिला. कार्यक्रमास ग्राम विकास मंडळ ओतूरचे अध्यक्ष अनिल तांबे, प्रभाकर तांबे, राजेंद्र डुंबरे, रघुनाथ तांबे, प्रदीप गाढवे, पंकज घोलप, शांताराम पानसरे, रोहीदास घुले, अशोक अहिनवे, सीताराम डुंबरे, गणी मोमीन उपस्थित होते. कार्यक्रमाचे प्रास्ताविक विद्यालयाच्या मुख्याध्यापिका राजश्री भालेकर यांनी केले. सूत्रसंचालन भाऊसाहेब खाडे यांनी तर आभार संजय हिरे यांनी मानले.