ओतूर, ता‌. १५ : मुथाळणे (ता. जुन्नर) येथे बुधवारी (ता.१४) रात्री नऊ वाजता तिसऱ्या बिबट्याला जेरबंद करण्यात आला, अशी माहिती ओतूरचे वनक्षेत्र अधिकारी चैतन्य कांबळे व वनपाल सचिन मोढवे यांनी दिली.
मुथाळणे येथील शासकीय आश्रमशाळेच्या वसतिगृहाच्या बाजूला या आधी लावलेल्या पिंजऱ्यात २१ डिसेंबर २०२५ एक नर बिबट्या १२ जानेवारी २०२६ ला ही एक बिबट्या जेरबंद केला होता. तसेच या आदिवासी आश्रमशाळेच्या विद्यार्थ्यांचे वसतिगृह असल्याने वनविभागाने येथे परत पिंजरा लावला होता. त्यात बुधवारी रात्री नऊ वाजता बिबट्या जेरबंद झाला. तो अंदाजे पाच ते सहा वर्षांची बिबट मादी आहे.
मुथाळणे येथील शासकीय आश्रमशाळेच्या वसतिगृहाच्या बाजूला मागील २५ दिवसांत तीन बिबटे जेरबंद झाले असल्याने परिसरातील नागरिकांत भीतीचे वातावरण आहे. या परिसरात डोंगराळ भाग आणि जंगल ही मोठ्या प्रमाणात असल्यामुळे येथे आणखी बिबटे असणार असल्याचे मत नागरिक व्यक्त करीत आहे.
दरम्यान, ओतूरचे वनक्षेत्र अधिकारी चैतन्य कांबळे यांच्या मार्गदर्शनाखाली वनपाल सचिन मोढवे, वनरक्षक कोमल डाखोरे आणि वनकर्मचाऱ्यांच्या पथकाने घटनास्थळी जाऊन जेरबंद बिबट्याला पिंजऱ्यासह ताब्यात घेऊन माणिकडोह बिबट निवारण केंद्रात दाखल केले.
01330