ओतूर, ता. १२ : जुन्नर तालुक्यातील ओतूर परिसरात कांदा काढणीला वेग आला असून, आखाती देशांतील युद्ध आणि निर्यात धोरणामुळे बाजारभाव ८ ते १० रुपयांपर्यंत खाली घसरले आहेत. उत्पादन खर्चही निघत नसल्याने शेतकरी आर्थिक संकटात सापडला आहे.
मार्च अखेर असल्याने बँका आणि पतसंस्थांनी कर्ज वसुलीचा तगादा लावला आहे. त्यामुळे नाइलाजास्तव शेतकऱ्यांना कमी दरात कांदा विकावा लागत आहे. काही शेतकरी दरवाढीच्या आशेने कांदा चाळीत साठवत आहेत, मात्र भविष्यातील दराबाबत अनिश्चितता आहे. ओतूरसह उदापूर, डिंगोरे, कोळवाडी आणि पिंपळगाव जोगा भागात सध्या काढणीची लगबग सुरू आहे
यावर्षी मजुरीचे दर वाढले असले तरी, मध्य प्रदेशातील मजुरांच्या आगमनामुळे स्थानिक मजुरी काहीशी नियंत्रणात आली आहे. एकरी १५ ते १६ हजार रुपये दराने हे मजूर काम करत आहेत. नाफेडने तातडीने २५ ते ३० रुपये दराने खरेदी सुरू केल्यास शेतकऱ्यांना दिलासा मिळेल, अशी भावना व्यक्त होत आहे.
खते, औषधे आणि मजुरीचा खर्च पाहता सध्याचा दर परवडणारा नाही. सरकारने ओल्या कांद्याला २५ रुपये आणि साठवणूक केलेल्या कांद्याला ५० रुपये हमीभाव द्यावा.
- विनायक शिंदे, शेतकरी
01698
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.