पाबळ, ता. २९ : शास्ताबाद–मलठण रस्त्यावरील लाखेवाडी (ता. शिरूर) परिसरात किरकोळ कारणावरून दोघांनी तरुणीसह तिच्या भावाला मारहाण केली. हा प्रकार मंगळवारी (ता.२८) सायंकाळी सव्वा पाचच्या सुमारास घडला. याप्रकरणी संकेत संतोष ननवरे व राजेंद्र तळोले (दोघे रा.कान्हूर मेसाई, ता.शिरूर) यांच्या विरोधात शिरूर पोलिस ठाण्यात गुन्हा दाखल केला आहे.
पोलिसांनी दिलेल्या माहितीनुसार, पीडित युवती चुलत भावासह शास्ताबाद येथून मलठणच्या दिशेने मोटारीने (क्र. एम एच १२ व्ही व्ही १९८५) जात होती. त्यावेळी लाखेवाडी परिसरात समोरून आलेल्या दुसऱ्या मोटारीने (क्र. एम एच १२ व्ही व्ही १३१२) त्यांच्या वाहनाचा रस्ता अडवला. खड्डयांमुळे मोटार थोडी बाजूला घ्यावी, असे सांगितल्यावर वादाला तोंड फुटले. यावेळी एक दुचाकीस्वार घटनास्थळी पोचला आणि वाद अजून चिघळला. मोटारचालक व दुचाकीस्वार यांनी मिळून युवती व तिच्या भावाला शिवीगाळ करत मारहाण केली. तसेच तरुणीला मोटारीतून ओढून बाहेर काढून केस पकडत, तोंडावर, पोटावर, पाठीवर मारहाण केली. तसेच दुचाकीस्वाराने विनयभंग केला. मारहाण करणारे दोघेही मद्यधुंद अवस्थेत असल्याचे उपस्थितांनी सांगितले. स्थानिकांनी सदर प्रकाराची पोलिसांना माहिती दिली. मात्र, उशिरापर्यंत पोलिस घटनास्थळी दाखल झाले नाही. दरम्यान, पीडितेने दिलेल्या फिर्यादीवरून संकेत संतोष ननवरे व राजेंद्र तळोले यांच्या विरोधात गुन्हा दाखल केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.