पाईट, ता. ४ : पिंपरी बुद्रुक (ता.खेड) येथील हुंडारे शिवारातील पाणंद रस्ता महसूल सप्ताह व महाराजस्व अभियानाअंतर्गत खुला करण्यात आला. शेतकऱ्यांच्या अडचणी लक्षात घेऊन त्यांच्या मागणीनुसार खेड तालुका निवासी नायब तहसीलदार चेतन मोरे यांच्या प्रमुख उपस्थितीत त्याचे उद्‌घाटन करण्यात आले.
खुला करण्यात आलेल्या रस्त्याची लांबी ८०० फूट असून गावातील ३५ शेतकऱ्यांना या रस्त्याचा शेतीसाठी फायदा होणार आहे. यावेळी मोरे यांचे समवेत कडूसचे मंडल अधिकारी विद्या नांगरे, ग्रामविकास अधिकारी शुभांगी देसाई, रवींद्र ठाकूर,सर्जेराव हुंडारे, रोहिदास ठाकूर, मीना हुंडारे, भिमाबाई गाढवे, अजित हुंडारे,संतोष हुंडारे, कल्याण ठाकूर, देवराम गाढवे आदी ग्रामस्थ उपस्थित होते. हा रस्ता होण्यासाठी विकास ठाकूर, शांताराम ठाकूर, रोहिदास हुंडारे व गणेश हुंडारे यांनी विशेष प्रयत्न केले. कार्यक्रमात ग्रामविकास अधिकारी शुभांगी देसाई यांनी आंब्याचे रोप लावून वृक्ष लागवडीचे शेतकऱ्यांना आवाहन केले.

02486