फुलवडे ता. १८, फुलवडे (ता. आंबेगाव) येथील अनुदानित आश्रमशाळेत शुक्रवारी (ता. १८) घोडेगाव येथील शासकीय इंग्रजी माध्यम आश्रमशाळेत बुधवारी (ता. १६) इन्फोसिस फाउंडेशन आणि केईएम हॉस्पिटल संशोधन विभाग यांच्या मार्फत माता आणि बाल आरोग्य समुदाय प्रतिबद्धता कार्यक्रमांतर्गत आश्रमशाळेतील चौथी ते दहावीच्या मुलींचे आरोग्य तपासणी शिबिर पार पडले.
सिकलसेल आजाराचे रुग्ण प्रामुख्याने आदिवासी भागात आढळतात. शिबिरात सिकलसेल आजाराची अचूक माहिती, आजाराची लक्षणे, प्रकार, औषधोपचार, आजार टाळण्यासाठी घ्यावयाची काळजी याबाबत माहिती देण्यात आली. यावेळी आश्रमशाळेतील चौथी ते दहावीच्या फुलवडे येथे ७५ आणि घोडेगाव येथे १४० मुलींची आरोग्य तपासणी करण्यात आली. या सर्व मुलींचे हिमोग्लोबिन चांगले असल्याचे डॉक्टरांनी सांगितले.
शिबिरात केईएम हॉस्पिटलचे प्रकल्प अधिकारी शिवाजी आदनामे, प्रकल्प समन्वयक स्वप्ना ढोले, राहुल देडे, डॉ. काशीद, डॉ. विनया कदम, डॉ. आदिती पानकर, डॉ. अक्षय चौधरी, चंद्रकांत पोतदार, महानंदा घाटे, किसन खेमनार, प्राजक्ता सोनवणे, कानिफनाथ कडे, निकिता सोनवणे यांनी काम पाहिले.
यावेळी एकात्मिक आदिवासी विकास प्रकल्प कार्यालयाचे प्रकल्प अधिकारी प्रदीप देसाई, सहाय्यक प्रकल्प अधिकारी सोनुल कोतवाल, प्रियंका घनवट, शिक्षण विस्तार अधिकारी सुरेश दुरगुडे यांनी भेट देऊन आरोग्य पथक व मुलींशी संवाद साधला. याप्रसंगी प्राचार्य चंद्रकांत नाईकडे, मुख्याध्यापक सोपान फटांगरे तसेच स्त्री अधीक्षिका आर. जी. बनसोडे, सविता पोटकुले व इतर स्टाफ उपस्थित होता.