फुलवडे ता. ९ ः अडिवरे (ता. आंबेगाव) परिसरातील नागरिकांसाठी आयएसआय, हॉलमार्क आणि वस्तूंचे स्टॅण्डर्ड या विषयावर ग्राहक जाणीवजागृती कार्यक्रम सोमवारी (ता. ३) पार पडला. भारतीय मानक ब्युरो यांच्या वतीने विधायक सामाजिक संस्था, ग्रामपंचायत पंचाळे बुद्रुक यांच्या संयुक्त विद्यमाने यांच्या वतीने हा कार्यक्रम आयोजित केला होता. ग्राहकांना वस्तू खरेदी करताना त्यांचे हक्क आणि सुरक्षितता याबद्दल जागरूक करणे हा या कार्यक्रमाचा मुख्य उद्देश होता.
यावेळी भारतीय मानक ब्युरोच्या वतीने विधायक सामाजिक संस्थेचे प्रतिनिधी महादेव खंडागळे यांनी सांगितले की, ‘‘कोणतीही वस्तू खरेदी करताना ग्राहक म्हणून आपण वस्तूंचे स्टॅण्डर्ड आणि गुणवत्तेचे चिन्ह तपासणे महत्त्वाचे आहे. ग्राहकांनी कोणतीही वस्तू खरेदी करताना केवळ किंमत न पाहता, गुणवत्तेला प्राधान्य द्यावे.”
यावेळी विधायक सामाजिक संस्थेचे पदाधिकारी अनिल भुजबळ, सरपंच संगीता किर्वे, सदस्य समीर गारे, सुरेश किर्वे, सदस्या सविता जढर, ग्रामपंचायत अधिकारी सोनाली भोकटे, पोलिस पाटील संदीप गारे, चांगुणा घोडे व ग्रामस्थ उपस्थित होते.