फुलवडे, ता. २५ ः डिंभे धरणापासून (ता. आंबेगाव) पुढे आहुपेकडे जाणाऱ्या सुमारे ३३ किलोमीटर अरुंद वळणावळणाच्या रस्त्याच्या दोन्ही बाजूने पावसामुळे झाडेझुडपे, वेली वाढलेली आहेत. त्यामुळे वळणांवर पुढील येणाऱ्या वाहनांचा अंदाज येत नसल्याने छोटे- मोठे अपघात होण्याची शक्यता आहे. त्यामुळे ही झाडेझुडपे, वेली काढून टाकावीत, अशी मागणी वाहन चालक व स्थानिक नागरिकांनी केली आहे.
डिंभे धरणापासून पुढे अडिवरे, माळीण फाट्यापर्यंतचा १८ किलोमीटरचा रस्ता हा पाणलोट क्षेत्रालगत असून, दुसऱ्या बाजूने डोंगररांग आहे. तसेच, वळणावळणांचा व अरुंद रस्ता असल्यामुळे वाहन चालकांना वाहन चालविताना अडचणी येत आहेत. मोठी दुर्घटना घडू नये यासाठी रस्त्याच्या दोन्ही बाजूची झाडेझुडपे, वेली काढून टाकणे आवश्यक आहे.

04652