पिंपळवंडी, ता. ५ : पिंपळवंडी (ता. जुन्नर) येथील जिल्हा परिषद प्राथमिक शाळेत नववर्षाचे औचित्य साधत विद्यार्थ्यांना तंत्रज्ञानाची प्राथमिक ओळख करून देण्यासाठी सुसज्ज संगणक लॅबचे उद्‌घाटन सरपंच मेघा काकडे, उपसरपंच मयूर पवार, ग्रामपंचायत सदस्या स्वाती काकडे, माजी सभापती संगिता वाघ यांच्या हस्ते करण्यात आले. इयत्ता पहिली ते चौथीच्या सर्व विद्यार्थ्यांना युनिक एज्युकेशन संस्था, ओतूर, पालक व शाळा व्यवस्थापन समितीच्या सह‌कार्याने संगणक शिक्षणाचे धडे देण्यात येणार असल्याचे मुख्याध्यापक माणिक बोऱ्हाडे यांनी यावेळी सांगितले. ग्रामपंचायत सदस्य संदिप लेंडे, गणेश फुलसुंदर सचिन ठाणेकर, टी. आर. वामन, उमेश शिरसागर, आनंद मोरे, सचिन पवार, आयेशा इनामदार, जितेश पवार, नवनाथ जाधव, शैला वाकचौरे, शिक्षक श्रीकांत भालेराव, जया गोर्डे, मनिषा भुजबळ व ग्रामस्थ आदी उपस्थित होते.