पाटस, ता. १२ : पाटस (ता. दौंड) येथे कुरकुंभ औद्योगिक वसाहतीला पाणीपुरवठा करणारी जलवाहिनी रविवारी (ता.१२) सायंकाळी साडेसात वाजता फुटली. यामुळे लाखो लिटर पाणी वाहून वाया गेले. यावेळी अनेकांची तारांबळ उडाली. एका बाजूला पाण्याची भीषण टंचाईची परिस्थिती असताना लाखो लिटर पाणी वाया गेल्याने नागरिकांनी संताप व्यक्त केला.
जलवाहिनी फुटल्याने भर चौकात दुकानाच्या बाजूलाच प्रचंड पाण्याचा प्रवाह सुरू झाला. यामुळे नागरिकांची अक्षरशः धांदल उडाली. काही वेळातच लाखो लिटर पाणी रस्त्याने वाहत होते. तालुक्यात एक बाजूला पाण्याची टंचाई असताना दुसरीकडे पाण्याची नासाडी पाहून नागरिकांनी तीव्र संताप व्यक्त केला. या पूर्वीही अनेकदा जलवाहिनी फुटण्याचा प्रकार घडला आहे. मात्र संबंधित विभाग संवेदनशील दिसत नसल्याची भावना काहींनी व्यक्त केली.

19362