‘कऱ्हामाई- भोगावती’च्या संगमावरील ‘संगमेश्‍वर’
हनुमंत पवार, सासवड
पुणे : पुरंदरमधील अनेक प्रेक्षणीय स्थळांपैकी एक, भाविकांचे श्रद्धास्थान व पर्यटकांचे आकर्षण असणारे श्रीसंगमेश्‍वर मंदिर हे कऱ्हामाई व भोगावती नद्यांच्या संगमावर उभे आहे. ते दोन नद्यांच्या संगमावर असल्याने त्यास ‘संगमेश्‍वर’ असे नाव मिळाले, असा प्राचीन ग्रंथात उल्लेख आहे. सासवडमधील हे मंदिर पुराणप्रसिद्ध जागृत देवस्थान असून, प्राचीन स्थापत्य कलेचा आदर्श नमुना होय. येथील वातावरण आल्हाददायक व प्रसन्न असल्याने पर्यटकांची येथे कायम वर्दळ राहते. विशेषतः श्रावण महिन्यात या ठिकाणी येणाऱ्यांची संख्या मोठी असते. येथील धार्मिक, पौराणिक महत्त्वामुळे येथे अनेक मालिका, चित्रपटांचे चित्रण झाले आहे. पाच पांडवांनी या मंदिराची रचना केलेली असल्याने श्रावणात श्रीसंगमेश्‍वर देवस्थान ट्रस्ट व सासवड नगरपालिकेच्या वतीने येथे विशेष सुविधा पुरविण्यात येतात.

आवर्जून पाहावी अशी इतर पर्यटन स्थळे -
१) संत सोपानकाका मंदिर
२) चांगावटेश्‍वर मंदिर
३) भैरवनाथ मंदिर
४) हरिहरेश्‍वर मंदिर
५) पुरंदर किल्ला
६) सोनोरीचा मल्हारगड
७) जेजुरीचे खंडोबा मंदिर
८) माळशिरसचे भुलेश्‍वर मंदिर
९) केतकावळेचे बालाजी मंदिर
१०) नारायणपूरचे एकमुखी दत्त मंदिर
११) वीर व कोडीतचे श्रीनाथ म्हस्कोबा मंदिर

मंदिरातील सुविधा
१) पहाटे पूजाअर्चा.
२) वाहनव्यवस्था सोय.
३) मंदिर ट्रस्टच्या वतीने विविध सुविधा
४) पुणे व इतर ठिकाणाहून येण्यासाठी पीएमपी व एसटी बसची सुविधा.
५) श्रावणात सुरक्षा व्यवस्था

भाविक, पर्यटकांसाठी महत्त्वाचे
१) नदी पुलावरून मंदिराकडे जाताना काळजी घ्यावी.
२) कठड्यावर उभे राहून सेल्फी काढणे टाळावे.
३) पाण्यात उतरू नये. .

मदतीसाठी संपर्क
सासवड पोलिस ०२११५-२२२३३३