पुणे, ता. ६ : असह्य उन्हाळ्यानंतर पावसाची वाट पाहणाऱ्या जिल्ह्यातील नागरिकांच्या मनात आता आनंदापेक्षा महावितरणच्या विजेची धास्ती अधिक भरली आहे. काही ठिकाणी नवीन उपकेंद्रे नसल्याने वारंवार होणाऱ्या ट्रिपिंगमुळे घरातील ज्येष्ठ, लहान मुले, महिला यांचे जगणे असह्य झाले आहे. पावसाळ्यापूर्वी झाडांची छाटणी, केबल टाकाणे, झोळ काढणे आदी कामे रखडल्याने, पावसाचा पहिला थेंब पडताच तासनतास अंधारात घालवावे लागणार या भीतीने कुटुंबेच्या कुटुंबे धास्तावली आहेत. महावितरणसाठी हा केवळ ''तांत्रिक बिघाड'' असेल, पण सामान्य नागरिकांसाठी ती रोजच्या जगण्याची मरणयातना बनली आहे.