पिरंगुट, ता. ५ : नांदे (ता.मुळशी) येथील एस. जे. कन्स्ट्रक्शन कंपनीतील गोदामाला आज रविवारी (ता. ५) दुपारी बारा वाजता आग लागली. मात्र रविवारची सुट्टीचा दिवस असल्याने कोणतीही जीवितहानी झाली नाही. या आगीत कंपनीतील एसीचे फायबर शीट जळून खाक झाले. त्यामुळे सुमारे पंचवीस ते तीस लाख रुपयांचे नुकसान झाल्याची माहिती सरपंच निकिता रानवडे यांनी दिली.
शॅार्ट सर्किटमुळे ही आग लागली असण्याचा प्राथमिक अंदाज आहे. आग लागल्याची माहिती समजताच नांदे गावच्या ग्रामविकास समितीचे रोहिदास रानवडे, युवा कार्यकर्ते शेखर रानवडे यांनी माण येथील फेज थ्री येथील जीएमआरडीएच्या तसेच मारुंजी येथील अग्निशमन दलाच्या केंद्राशी तातडीने संपर्क साधला. अग्निशमन दलाचे जवान घटनास्थळी दाखल झाले व अवघ्या अर्ध्या तासातच आग आटोक्यात आली.
आग आटोक्यात आणण्यासाठी भानुदास करंजावणे, सुनील जाधव, हनुमंत करंजावणे, योगेश शिंदे, सागर जाधव, शिवाजी रानवडे, लक्ष्मण चांगले, राजेंद्र आमले तसेच नांदे ग्रामस्थांनी शर्थीचे प्रयत्न केले.
................
01839
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.