पिरंगुट, ता. ३० : लवळे (ता. मुळशी) येथील ग्रामपंचायतीचे सरपंच, उपसरपंच, सदस्यांनी बारामती लोकसभा मतदारसंघातील राष्ट्रवादी कॉंग्रेसच्या उमेदवार सुनेत्रा पवार यांना पाठिंबा दिला.
पार्थ पवार यांनी लवळे, नांदे, चांदे तसेच परिसरातील मतदारांशी संवाद साधला. लवळे येथील अनौपचारिक संवाद साधून समस्याही जाणून घेतल्या. यावेळी येथील ग्रामपंचायतीच्या पदाधिकाऱ्यांनी सुनेत्रा पवार यांच्या पाठीशी उभे राहणार असल्याचे जाहीर केले. विकास कामांच्या मुद्द्यांवर अजित पवारांना पाठिंबा देत असल्याचे सांगितले.
यावेळी सरपंच नीलेश गावडे, उपसरपंच रंजित राऊत, ग्रामपंचायत सदस्य संजय सातव, अजित चांदिलकर, शिवराम सातव, बाळासाहेब राऊत, राहुल खरात, सुजाता मोरे, किमया गावडे, सायली सातव, साधना सातव तसेच कांताबाई पांढरे, गणेश शितोळे, राजेंद्र शितोळे, गणेश गावडे, कमलेश सटाले, योगेश मारणे, दत्तात्रेय मोरे, महेश सातव, अमोल सातव आदी उपस्थित होते.