पिरंगुट, ता. ७ : चैतन्य विद्या प्रतिष्ठानच्या पेरिविंकल इंग्लिश मीडियम स्कूलच्या सुस, पौड, पिरंगुट आणि बावधन शाखांमध्ये जागतिक डॉक्टर दिवस व सनदी लेखापाल दिवस विविध उपक्रमांनी साजरा करण्यात आला. विद्यालयातील सर्व विद्यार्थ्यांच्या दातांची मोफत तपासणी करण्यात आली. इयत्ता आठवी ते बारावीच्या विद्यार्थ्यांसाठी ‘बँकिंग अवेअरनेस’ या विषयावर युनियन बॅंकेच्या व्यवस्थापकीय अधिकाऱ्यांनी मार्गदर्शन केले. त्यानंतर सर्व शिक्षकांसाठी मोफत आरोग्य तपासणी शिबिर पार पडले. आरोग्य तपासणीत विद्यार्थ्यांची उंची, वजन, बॉडी फॅट पर्सेंटेज, बॉडी मास इंडेक्स (बीएमआय), डेली कॅलरी इनटेक, मेटॅबॉलिक एज, व्हिसरल फॅट, ब्लडप्रेशर, ब्लड शुगर रँडम, एसपीओटू, ऑक्सिजन लेव्हल अशा विविध चाचण्यांचा समावेश होता. डॉ. चेतन मानकर, सर्जेराव ढोबळे, विशाल बिराजदार यांच्या पथकाने मदत केली. कार्यक्रमाचे आयोजन संस्थेचे संस्थापक अध्यक्ष राजेंद्र बांदल, संचालिका रेखा बांदल यांच्या मार्गदर्शनाखाली शाळेचे मुख्याध्यापक व शिक्षकांनी केले होते.