पिरंगुट, ता. २८ : ‘‘आगामी स्थानिक स्वराज्य संस्थेच्या निवडणुका ऑक्टोबर महिन्यात होणार असून, त्यासाठी तयारीला लागा,’’ अशी सूचना राष्ट्रवादी काँग्रेस शरदचंद्र पवार पक्षाचे जिल्हाध्यक्ष जगन्नाथ शेवाळे यांनी केली.
आगामी स्थानिक स्वराज्य संस्थेच्या निवडणुकांच्या पार्श्वभूमीवर पक्षाची आढावा बैठक पिरंगुट (ता. मुळशी) येथे झाली. त्यात पदाधिकारी व कार्यकर्त्यांना मार्गदर्शन करताना शेवाळे बोलत होते. यावेळी तालुकाध्यक्ष महादेव कोंढरे म्हणाले, ‘‘मुळशी तालुक्याच्या शाश्वत विकासामध्ये शरद पवार यांचा सिंहाचा वाटा आहे. सर्वसामान्य मतदार हा त्यांच्यावर प्रेम करणारा आहे. त्यामुळे आपला विजय निश्चित आहे. आगामी निवडणुकीसाठी सर्वांनी जोरदार कामाला लागा.’’
यावेळी रामचंद्र ठोंबरे, सविता दगडे, बाळासाहेब गोडांबे, गौरी भरतवंश, धोंडिबा केदारी, अंकुश उभे, दगडू करंजावणे यांनीही मनोगत व्यक्त केले. यावेळी विलास अमराळे, कोमल वाशिवले, दीपाली कोकरे, राहुल पवळे, अनिल पवार, प्रसन्न ओझरकर, प्रमोद मरगळे, कैलास वाघ, सुभाष माझिरे, रवींद्र गोळे, माउली आखाडे, सयाजी आढाव, देवा नागरे, अनिल आटाळे, भरत सातपुते, रूपाली अमराळे, शीतल अमराळे, सारिका वैद्य, सारिका शिंदे आदी उपस्थित होते.