पिरंगुट, ता. १ : मुळशी तालुका काँग्रेसच्या अध्यक्षपदी माण येथील सुरेश सीताराम पारखी, तर कार्याध्यक्षपदी सचिन सोपान किर्वे यांची निवड करण्यात आली. पक्षाचे जिल्हाध्यक्ष व माजी आमदार संजय जगताप यांच्या शिफारसीनुसार व पक्षाचे प्रदेशाध्यक्ष हर्षवर्धन सपकाळ यांच्या आदेशानुसार प्रदेश उपाध्यक्ष अॅड. गणेश पाटील यांनी पारखी यांना नियुक्तीचे पत्र दिले.
पारखी हे गेली वीस वर्षे काँग्रेस पक्षाचे काम करत असून, त्यांनी यापूर्वी पक्षाच्या माध्यमातून पंचायत समिती निवडणूकही लढवली आहे. पक्षाचे तालुका कार्याध्यक्षपद भूषविले आहे. किर्वे हे गेली बावीस वर्षे पक्षाचे काम करत असून, त्यांनी पक्षामध्ये यापूर्वी विविध पदांवरती काम केले आहे. काँग्रेसचे विचार समाजातील सर्व घटकांमध्ये पोचवून तालुक्यातील गोरगरीब जनता, शेतकरी, कामगार, शालेय विद्यार्थी, बेरोजगार तरुण यांच्या समस्या सोडविण्यासाठी प्रयत्न करणार असल्याचे या दोघांनी सांगितले.
नवीन कार्यकारिणी पुढीलप्रमाणे- एकनाथ खोले (भोर विधानसभा अध्यक्ष), मधुसूदन पाडाळे (तालुका उपाध्यक्ष), राम ओझरकर (तालुका उपाध्यक्ष), प्रदिप जाधव (तालुका सोशल मिडिया सेल अध्यक्ष), शंकर बत्ताले (सेवा दल अध्यक्ष), पोपट बोंद्रे (तालुका सोशल मिडिया सेल उपाध्यक्ष), रमेश पानसरे (तालुका खजिनदार), इब्राहिम मुलाणी (अल्पसंख्याक सेल तालुका अध्यक्ष)