पिरंगुट, ता. ७ : मोहरमनिमित्त पिरंगुट (ता. मुळशी) येथील मुस्लीम बांधवांनी ताबुताची मिरवणूक काढून भावपूर्ण वातावरणात त्याचे विसर्जन केले. येथील सुन्नी शाही मशिदीपासून वाजत गाजत ताबूत मिरवणुकीला सुरवात झाली. सर्वधर्मीय महिलांनी ताबूत उचलणाऱ्या भाविकांच्या पायावर पाणी वाहून ताबुताची मिरवणूक सुरू झाली. येथील कुंभारवाडा, जुनी चावडी, पवळे आळी व निकटेआळी मार्गे मिरवणूक शांततेत पार पडली. सर्वधर्मीयांच्या सहभागातून व सहकार्यातून पार पडलेल्या या मिरवणुकीनंतर ताराच्या ओढ्यातील पाण्यात ताबुताचे विसर्जन करण्यात आले. बावधन पोलिस ठाण्याचे वरिष्ठ निरीक्षक अनिल विभूते, पिरंगुट पोलिस मदत केंद्राचे उपनिरीक्षक देवदास फड, तसेच अन्य अधिकारी व कर्मचाऱ्यांनी चोख बंदोबस्त ठेवला होता. मुन्ना शेख, बशीर शेख, नबीलाल शेख, सलीम मुलाणी, अन्वर मुलाणी, जावेद पठाण, कॉसम शेख, तसेच अन्य मुस्लीम बांधवांनी नियोजन केले होते.