पिरंगुट, ता. २९ : श्रावणी सोमवारनिमित्त खारावडे (ता. मुळशी) येथील गाभाऱ्यातील म्हसोबा देवाला दिवसभरात ३५ अभिषेक करण्यात आले. याशिवाय गाभाऱ्याबाहेर सुमारे २५ अभिषेक करण्यात आले. रविवारी सुमारे पाच हजारांहून अधिक भाविकांनी देवाचे दर्शन घेतले. सोमवारी दिवसभर अभिषेक झाले. देवस्थानाच्या वतीने भाविकांना दर्शन सुकर होण्यासाठी पिण्याचे पाणी, स्वच्छतागृह, दर्शन बारी आदी सोयी सुविधा उपलब्ध करून दिल्या होत्या.